-
သီပေါမြို့နယ် ဆိုင်းလင်းဒေသခံများမှ သတင်းထုတ်ပြန်ချက်
ဖေဖော်ဝါရီလ ၉ ရက် ၊ ၂၀၁၉ခုနှစ်
လာမည့် ၁၁၊ ဖေဖော်ဝါရီ၊၂၀၁၉ တွင် UNIENERGYCO.LTD မှ မြစ်ငယ်မြစ်ပေါ်တွင် ရေအားလျှပ်စစ်ရေကာတာတည်ဆောက်ရန်အတွက် သီပေါမြို့နယ် ဆိုင်းလင်းကျေးရွာအုပ်စု ဆိုင်းလင်ကျေးရွာ၊ ပိန်းဆာကျေးရွာနှင့် ဆွတ်တောင်ကျေးရွာများမှ ကန့်ကွက်ခြင်း
UNIENERGYCO.LTD သည် ရေအားလျှပ်စစ်ရေကာတာတည်ဆောက်ရန်အတွက် ဒေသသို့ ၂၀၁၇ တွင် ပထမအကြိမ် ၂၀၁၉ ဇန်နဝါရီလတွင် ဒုတိယအကြိမ် လာရောက်လေ့လာပြီဖြစ်သည်။ လာမည့် ၁၁၊ ဖေဖော်ဝါရီ၊၂၀၁၉ ရက်နေ့တွင် ၎င်းစီမံကိန်း၏ အချက်အလက်များနှင့် ရပ်ရွာပြည်သူဒေသခံများ လျှပ်စစ်မီးအပြည့်အဝရရှိရေးကို ရှင်းလင်းတင်ပြရန်အတွက် ကုမ္ပဏီမန်နေဂျာ ဦးမြင့်ဇော်မှ ရွာသူရွာသားများ အစည်းအဝေးတက်ရောက်ရန် ဖိတ်ခေါ်ထားပါသည်။
ဒေသခံများမှ ရေကာတာလိုအပ်မှုမရှိကြောင်းနှင့် ရေကာတာတည်ဆောက်ပါက ရပ်ရွာများမှ နစ်နာဆုံးရှုံးမှုများ မလွဲမသွေကြုံတွေ့ရမည်ဖြစ်သောကြောင့် ၎င်းစီမံကိန်းကို လုံးဝလက်မခံကြောင်း တင်ပြအပ်ပါသည်။
ဦးမြင့်ဇော်မှ ဦးဆောင်ကျင်းပမည့်အစည်းအဝေးကိုကျွန်ုပ်တို့ရွာသူရွာသား လုံးဝဆန့်ကျင်ကန့်ကွက်ပြီး ရွာသူရွာသားများအားလုံးတစ်ယောက်မှတက်ရောက်မည်မဟုတ်ပေ။ ၎င်းရေကာတာစီမံကိန်းနှင့်ပတ်သက်ပြီး မည်သည့်လုပ်ဆောင်မှုမျိုးဖြစ်ဖြစ်ကျွန်ုပ်တို့ရွာသူရွာသားများထံ လာရောက်ဆွေးနွေးခြင်း၊ တင်ပြခြင်း မလုပ်ဆောင်ရန်အတွက် သဘောထားဆန္ဒထုတ်ဖော်အပ်ပါသည်။
ဆက်သွယ်ရန်
စိုင်းဆာလူ +95 (0) 94 732 0606
စိုင်းသိန်းမြင့် +95 (0) 9423166069
လုံးအာလောက +95 (0) 9694703269