ရှမ်းလူ့အခွင့်အရေးမဏ္ဍိုင်မှ လူ့အခွင့်အရေးချိုးဖေါက်မှု ထုတ်ပြန်ချက်
၂၀၂၅ ခုနှစ် နိုဝင်ဘာလ ၂၈ ရက်
ရှမ်းပြည်တောင်ပိုင်းနှင့်အရှေ့ပိုင်း၌ တက္ကသိုလ်ကျောင်းသားကျောင်းသူများမှ စစ်ကောင်စီ၏ ရွှေးကောက်လပွဲတွင် အဓမ္မဖိအားပေးခံရမှုကြောင့် ကြိုတင်မဲပေးခဲ့ရ
Download PDF >>> Shan | Burmese | English | Thai
၂၀၂၅ ခုနှစ်၊ နိုဝင်ဘာလ၏ တတိယပတ်၌ ရှမ်းပြည်တောင်ပိုင်းရှိ ပင်းတယ၊ နမ့်စန်နှင့် ကွန်ဟိန်းမြို့နယ် များနှင့် ရှမ်းပြည်အရှေ့ပိုင်းရှိ မိုင်းဆတ်မြို့နယ်တို့တွင် ဒေသတွင်း အုပ်ချုပ်ရေးတာဝန်ရှိသူများ၏ ဖိအားပေးမှုကြောင့် တက္ကသိုလ်ကျောင်းသား၊ကျောင်းသူ ၂၅၀သည် ဒီဇင်ဘာလ နောက်ဆုံးအပတ်တွင် ကျင်းပမည့် ရွေးကောက်ပွဲအတွက် ကြိုတင်မဲပေးခဲ့ရသည်။
အာဏာသိမ်းစစ်အစိုးရမှ ရွှေးကောက်ပွဲအပိုင်း (၁) ကို ၂၀၂၅ ခုနစ် ဒီဇင်ဘာလ ၂၈ ရက်နေ့တွင်၄င်း၊ ရွှေးကောက်ပွဲအပိုင်း ၂ ကို ၂၀၂၆ခုနစ် ဇန်န၀ါရီ ၁၁ ရက်နေ့တွင် အသီးသီး ပြုလုပ်သွားမည်ဖြစ်ပြီး ထိုရွှေးကောက်ပွဲပြုလုပ်မည့်နေ့တွင် နေထိုင်ရာ မဲဆန္ဒနယ်ပြင်ပသို့ တက္ကသိုလ်သွားရောက် တက်ရောက့်မည့် ကျောင်းသားကျောင်းသူများကို မတူညီသည့်နည်းလမ်းများဖြင့် ကြိုတင်ဆန္ဒမဲပေးရန် ဖိအားပေးခံနေရခြင်းဖြစ်သည်။
ထိုသို့ဖိအားပေးခံရသည့် တက္ကသိုလ်ကျောင်းသား၊ကျောင်းသူအများစုမှာ တက္ကသိုလ်များသို့ယခုမှ ပထမ နှစ်တက်ရောက်မည့် မောင်မယ်သစ်လွင်များဖြစ်ပြီး လာမည့်ဒီဇင်ဘာလတွင်ဖွင့်လှစ်မည့် တက္ကသိုလ်များ တွင် ပထမနှစ် သင်တန်းတက်မည့် ကျောင်းသားများကျောင်းအပ်ရန်မှာ ရပ်ကွက်(သို့)ကျေးရွာအုပ် ချုပ်ရေးမှူး၏ အကျင့်စာရိတ္တကောင်းမွန်ကျောင်းထောက်ခံစာလိုအပ်ကာ အချို့အသက်မွေး၀မ်းကျောင်း တက္ကသိုလ်များ (ဥပမာ-ပညာရေးတက္ကသိုလ်၊ ဆေးတက္ကသိုလ်)များတက်ရောက်မည့် ကျောင်းသား ကျောင်းသူများမှာ ပြစ်မှုကင်းရှင်းကြောင်း ရဲစခန်း၏ ထောက်ခံစာများလိုအပ်ပါသည်။ အခြားစာသင် နှစ်များကို တက်ရောက်မည့် ကျောင်းသား၊ ကျောင်းသူများမှာလဲ အဆောင်နှင့်နေအိမ်များငှားရမ်းရန် ထောက်ခံစာများ လိုအပ်ကြပါသည်။ သက်ဆိုင်ရာ အုပ်ချုပ်ရေး အဖွဲများမှ ကျောင်းသား၊ ကျောင်း သူများ ကို ကြိုတင်မဲပေးပြီးသည့် အထောက်အထားမပါ ပါက အဆိုပါ ထောက်ခံစာများကိုထုတ်မပေးဘဲ ဖိအား ပေးမဲပေး စေခဲ့ခြင်းဖြစ်သည်။
ကွန်ဟိန်မြို့နယ်တွင် ရပ်ကွက်၊ကျေးရွာအုပ်ချုပ်ရေးမှူးများနှင့် ဆယ်အိမ်မှူး၊ရာအိမ်မှူးများမှ တစ်အိမ် တက်တစ်အိမ်ဆင်း နေအိမ်များတွင် တက္ကသိုလ်ကျောင်းသားများရှိမရှိကို နို၀င်ဘာလ ပထမပတ်က တည်းက လိုက်လံစာရင်းကောက်ယူကာ နို၀င်ဘာလ ၁၇ရက်နေ့နှင့် ၁၈ ရက်နေ့တွင် မဖြစ်မနေ လာ ရောက် ကြိုတင်မဲပေးရန်အကြောင်းကြားခဲ့သည်။နို၀င်ဘာလ ၁၇ ရက်နေ့နှင့် ၁၈ ရက်နေ့များ တွင် ကွန်ဟိန်မြို့နယ် အတွင်းရှိမဲရုံ ၂ ခုတွင် တက္ကသိုလ်ကျောင်းသား၊ ကျောင်းသူ ၃၆ ဦးမဲပေးခဲ့ရသည်။
နို၀င်ဘာလ ၁၇ ရက်နေ့မှ နို၀င်ဘာလ ၂၀ ရက်နေ့အတွင်းတွင် နမ့်စန်မြို့နယ်အတွင်းရှိ ရပ်ကွက်၊ ကျေးရွာ အုပ်စုများရှိ ရပ်ကွက်ကျေးရွာ ရွှေးကောက်ပွဲကော်မရှင်ရုံး ၉ ခုတွင် တက္ကသိုလ် ကျောင်းသား၊ ကျောင်းသူ စုစုပေါင်း ၇၉ ဦး ကြိုတင်မဲပေးခဲ့ရသည်။
နမ့်စန်မြို့မှ မန္တလေးမြို့သို့ တက္ကသိုလ်သွားရောက်တက်ရောက်မည့် တက္ကသိုလ်ကျောင်းသားတစ်ဦးမှ “ကျနော်ကဆယ်တန်းဆက်မဖြေဘဲ ကျောင်း ၃နှစ်လောက်နားထားတာကနေ အရင်နှစ်ကမှ ၁၀ တန်း ပြန်ဖြေတာ၊ အဲ့ဒီတော့အသက်က ၁၈ ကျော်နေပြီ၊ကျောင်းသွားအပ်ဖို့က ရပ်ကွက်ရုံးမှာ ထောက်ခံစာသွား ယူတော့ မဲပေးပြီးမှ ပြန်လာယူတဲ့၊ ၁၇ ရက်နေ့ကနေ ၂၁ ထိကြိုတင်မဲသွားပေးရမယ် လို့သူတို့ကပြော တယ်၊ အဲ့တာနဲ့မဲပေးဖို့စိတ်မ၀င်စားဘဲ သွားပေးလိုက်ရတာ“ ဟု ၄င်းကြိုတင်မဲပေးခဲ့ရ သောအခြေအနေ ကိုရှင်းပြခဲသည်။
အလားတူ နို၀င်ဘာလ ၁၇ ရက်နေ့တွင်လည်း ရှမ်းပြည်တောင်ပိုင်း၊ဓနုကိုယ်ပိုင်အုပ်ချုပ်ခွင့်ရဒေသ ပင်းတယမြို့နယ် အထွေထွေအုပ်ချူပ်ရေးဦးစီးဌာနတွင် တက္ကသိုလ်ကျောင်းသားကျောင်းသူ (၉၄) ဦး ကြို တင်မဲပေးခဲ့ရသည်။
ရှမ်းပြည်အရှ့ပိုင်းမိုင်းဆတ်မြို့နယ်တွင်လည်း ထောက်ခံစာရရှိရန်အတွက် သက်ဆိုင်ရာ ရပ်ကွက်ကျေး ရွာ ရွှေးကောက်ပွဲကော်မရှင်ရုံး ၆ ခုတွင် နို၀င်ဘာလ ၁၈ ရက်နေ့နှင့် ၁၉ ရက်နေ့များတွင် တက္ကသိုလ် ကျောင်း ကျောင်းသူ ၄၇ ဦးမဲပေးခဲ့ရပြီး အများစုမှာဆန္ဒမပါဘဲမဲပေးခဲ့ရသည်ဟု ဖိအားပေး မဲပေးခဲ့ရသော ကျောင်းသူတစ်ဦးကပြောသည်။
ပြည်သူများကို ၎င်းတို့၏ ဆန္ဒမပါဘဲ မဲပေးရန် အတင်းအကျပ် ဖိအားပေးသည့် ဤလုပ်ရပ်များသည် စစ်ကောင်စီ၏ ရွေးကောက်ပွဲသည် လွတ်လပ်မှု၊ တရားမျှတမှုနှင့် ဒီမိုကရေစီနည်းကျမှု မရှိကြောင်းကို မီးမောင်းထိုးပြနေပါသည်။
