ရှမ်းလူ့အခွင့်အရေးမဏ္ဍိုင်မှ နောက်ဆုံးရ လူ့အခွင့်အရေးချိုးဖေါက်မှုထုတ်ပြန်ချက်
၂၀၂၅ ခုနှစ် ဧပြီလ ၃ ရက်
နောင်ချိုမြို့နယ်တွင် စစ်ကောင်စီ၏လေကြောင်းတိုက်ခိုက်မှုနှင့်ဒရုန်းဗုံးကြဲတိုက်ခိုက်မှုများကြောင့် အရပ်သား ၅ ဦးသေဆုံးပြီး ၁၀ ဦးဒဏ်ရာရ
၂၀၂၅ ခုနစ် မတ်လ ၂၁ ရက် မှ ဧပြီလ ၁ ရက်နေ့ကြားတွင် တအန်းအမျိုးသားလွတ်မြောက်ရေးတပ် မတော် (TNLA) ထိန်းချုပ်ထားသော နောင်ချိုမြို့နယ်တွင် စစ်ကောင်စီ၏လေကြောင်းတိုက်ခိုက်မှုနှင့် ဒရုန်းဗုံးကြဲတိုက် ခိုက် မှုများ ကြောင့် အရပ်သား ၅ ဦးသေဆုံးပြီး ၁၀ ဦးဒဏ်ရာရကာ နေအိမ်ပေါင်းမျောက်များစွာပျက်စီးခဲ့သည်။ စစ်ကောင် စီ၏တိုက်ခိုက်မှုအများစုမှာ မတ်လ ၂၈ ရက်နေ့က ဖြစ်ပွား ခဲ့သော ငလျင်ကပ်ဘေးအပြီးတွင်ဖြစ်ပြီး စစ်အစိုးရ သည်ယခုကဲ့သို့နိုင်ငံအကျပ်အတည်းကာလတွင် အသက်ကယ်ရန်ထက် နည်းအမျိုးမျိုးဖြင့် အာဏာကို ဆက်လက် ဆုပ်ကိုင်ထားရန်သာ ဦးစားပေး နေ ကြောင်း ထင်ရှားစွာပြသနေသည်။
မတ်လ၂၁ ရက်နေ့မနက်ပိုင်းတွင် စစ်ကောင်စီတပ်သည် Y-12 ဂျက်ဖိုက်တာဖြင့် လောက်ဖန်း၊ အုမ္မတီး၊ အုမ္မခါးနှင့် ကျောက်ကြမ်းကျေးရွာအနီးတစ်၀ိုက်ကိုဗုံးကြဲတိုက်ခိုက်ခဲ့ရာ နေအိမ် အများအပြားပျက်စီးခဲ့သည်။
မတ်လ ၂၂ ရက်နေ့တွင် စစ်ကောင်စီတပ်သည် ဒရုန်းဖြင့် အုမ္မခါးကျေးရွာကို ဗုံး၄လုံးကြဲချရာ အရပ်သား တစ်ဦး ဒဏ်ရာရခဲ့ပြီး နေအိမ်တစ်လုံးပျက်စီးခဲ့သည်။
ဒေသခံများ၏ပြောကြားချက်အရ မတ်လ ၂၅ ရက်နေ့တွင် စစ်ကောင်စီတပ်သည် နောင်ချိုမြို့တောင်ဘက်ရှိ တောင်းခမ်းဒေသကို ပြန်လည်ထိန်းချုပ်နိုင်ခဲ့သည်။
မတ်လ ၂၆ ရက်နေ့ညနေ ၆နာရီတွင် စစ်ကောင်စီဂျက်ဖိုက်တာများသည် အုမ္မခါးကျေးရွာ၊သုံးဆယ်နှင့် ရွှေညောင် ပင်ကျေးရွာတို့ကို ဗုံး ၅လုံးကြဲချခဲ့သည်။ဗုံးနှစ်လုံးသည်သုံးဆယ်ကျေးရွာသို့ကျရောက် ပေါက်ကွဲခဲ့ပြီး အရပ်သား ၄ဦး (မိသားစုတစ်ခုတည်းမှ ကျား ၂ဦး၊မ ၂ဦး)သေဆုံးခဲ့ကာ နေအိမ် ၄လုံး ပျက်စီးခဲ့သည်။ဗုံး ၂လုံးသည် အုမ္မခါးကျေးရွာသို့ကျရောက်ပေါက်ကွဲခဲ့ပြီး အရပ်သား ၄ဦး ဒဏ်ရာရခဲ့ကာ နေအိမ်၄လုံးပျက်စီးခဲ့သည်။
မတ်လ ၂၈ ရက်နေ့ နေ့လည် ၁နာရီ၀န်းကျင် မန္တလေးမြို့အနီးကိုဗဟိုပြုလှုပ်ခတ်သော ၇.၇ မဂ္ဂနီဂျူ့ပြင်းအားရှိ သောငလျင်နှင့် မိနစ်ပိုင်းသာခြား၍ စစ်ကောင်စီလေတပ်သည် နောင်လင်ကျေးရွာ နှင့်ကံကြီးကျေးရွာတို့ကို ဗုံး၈ လုံးကြဲချခဲ့ရာ နေအိမ် ၁၀လုံးပျကစီးခဲ့သည်။
မတ်လ ၃၀ ရက် နေ့လည် ၁၂ နာရီ၀န်းကျင်အချိန်တွင် စစ်ကောင်စီလေတပ်သည် ပေါင် ၂၅၀ ဗုံးနှစ်လုံးကို အုမ္မသီး ကျေးရွာ သို့ကြဲချခဲ့ရာ နေအိမ် အများအပြားပျက်စီးခဲ့သည်။
မတ်လ ၃၁ ရက်နေ့ မနက် ၁၀ နာရီခွဲ၀န်းကျင်တွင် စစ်ကောင်စီတပ်သည် ကျောက်ကြမ်းကျေးရွာကို ဒရုန်းဖြင့် ဗုံးများကြဲချခဲ့ရာ နေအိမ် ၂ လုံးပျက်စီးခဲ့သည်။
ဧပြီလ ၁ ရက်နေ့ မနက် ၁၁ နာရီ၀န်းကျင်တွင် စစ်ကောင်စီတပ်သည် ဒရုန်းဖြင့်သုံး ဆယ်ကျေးရွာနှင့် အုမ္မသီး ကျေးရွာသို့ ဗုံးများကြဲချခဲ့ရာ အရပ်သား ၁ဦးသေဆုံးပြီး နေအိမ်တစ်လုံးပျက်စီးခဲ့သည်။
ဧပြီလ ၁ ရက်နေ့ မနက် ၁၁း၂၄ ၀န်းကျင်တွင် စစ်ကောင်စီတပ်သည် တောင်းခမ်းကျေးရွာအနီးရှိ တောင်လှ ကျေးရွာကို လေကြောင်းတိုက်ခိုက်မှုများပြုလုပ်ခဲ့ရာ အရပ်သား ၅ ဦးဒဏ်ရာရခဲ့ပြီး နေအိမ် ၂ လုံးပျက်စီးခဲ့သည်။ တစ်ချိန် တည်းမှာပင် စစ်ကောင်စီလေတပ်သည် ရေမောင်းတန်းကျေးရွာနှင့် လွယ်ခွင်ကျေးရွာတို့ကို လေကြောင်း မှဗုံးကြဲခဲ့ရာ နေအိမ်အများအပြားပျက်စီးခဲ့သည်။
ဆက်သွယ်ရန်
စိုင်းဟော်ရှဲန် 66 94 728 6696 Signal (ရှမ်း အင်္ဂလိပ်)
ယိင်းလျန်းဟန် 1 825 425 4099 Signal (မြန်မာ)
Download PDF files >>>